A
A
Առաջին քայլը կկատարի աշխարհի չեմպիոնը
Այսօր Մոսկվայում սկսվում է շախմատի աշխարհի թագի համար մրցամարտը։
Գործող չեմպիոն, հնդիկ գրոսմայստեր Վիշվանաթան Անանդը կհանդիպի 2011 թ հավակնորդների մրցաշարի հաղթող, Իսրայելի շախմատիստ Բորիս Գելֆանդի հետ։
Կողմերը կանցկացնեն 12 պարտիա։ Հավասար միավորների դեպքում հաղթողը կորոշվի թայ բրեյքում։ Մրցանակային հիմնադրամը կազմում է 2,55 մլն դոլար, որի 60 տոկոսը կստանա հաղթողը, 40 տոկոսը՝ պարտվողը։
Երեկ կայացած վիճակահանությամբ առաջին պարտիայում սպիտակներով հանդես կգա Վիշվանաթան Անանդը։ Ի դեպ, ժամացույցը գործի կդնի Հայաստանը ներկայացնող միջազգային մրցավար Աշոտ Վարդապետյանը։
Բուքմեյքերների կարծիքով մրցամարտի ֆավորիտը Վիշվանաթան Անանդն է, ում հաղթելու հնարավորությունը 3,5 անգամ բարձր է գնահատվում՝ 1,16 գործակից՝ 4,5-ի դիմաց։
