Փետրվարի 12-ին   Ուժեղ Հայաստան կուսակցության համագումարում կհայտարարվի  վարչապետի  թեկնածուի անունը։ Այսօր հայտարարել է «Մեր ձևով» շարժման համակարգող Նարեկ Կարապետյանը։

Այսօր ներկայացվել է շարժման տնտեսական ծրագիրը,որին հաջորդել է մամուլի ասուլիս։

 

Որքանո՞վ են իրատեսական Հայաստանում նավթամշակման և պղնձաձուլական գործարանների կառուցման տնտեսական ծրագրերը, որոնք առաջարկում է շարժումը։ Նախկինում էլ են նման առաջարկներ եղել, բայց չեն իրականացվել, ու չկա՞ն արդյոք բնապահպանական վտանգներ. հարց է ուղղել Ա1+ի թղթակիցը։

 

Կարապետյանը նշել է, որ նախկինում նման գործարաններ չեն կառուցվել ներդրողների բացակայության և պետական հատուկ ձևաչափ չլինելու պատճառով ։

 

Նա առաջարկում է օգտվել չինական արտահանման ընկերությունների շատ էժան ֆինանսավորումից (օրինակ՝ 2% տոկոսադրույքով), որտեղ պետությունը կունենա 15% մասնակցություն ։

 

Ի պատասխան էկոլոգիական ռիսկերի մասին հարցին՝ նա պնդում է, որ պղնձի ձուլարանը մոտ 30 անգամ ավելի քիչ պոչամբարային ռիսկ ունի, քան հանքերը։

 

Առաջարկվում է պղնձի վերամշակման արդյունքում առաջացած ծծմբանյութն օգտագործել երկրի աղակալած հողերի վերականգնման համար, ինչը կօգնի լուծել գյուղատնտեսական կարևոր խնդիրներ ։

 

Մանրամասները` տեսանյութում