A
A
«Հաղթանակ» զբոսայգու «կանաչ» բնակիչները նորից ավելացան
Աջակցիր «Ա1+»-ինԿանաչապատում և շրջակա միջավայրի պահպանության ֆբ-յան էջից տեղեկանում ենք․
Քանաքեռ-Զեյթուն վարչական շրջան
«Հաղթանակ» զբոսայգու «կանաչ» բնակիչները նորից ավելացան: Հերոսների ծառուղու հարակից տարածքում տնկվեց 210 կաղնի:
Տնկիները նվիրաբերել էր «Հայ Անտառ» ՓԲԸ:
Ծառատունկին մասնակցում էին ՀՈԱԿ-ի աշխատակիցները, Երևանի Քաղաքապետարանի Բնապահպանության վարչության պետ Գևորգ Նազարյանը, հասարակական կազմակերպություններ և հաշմանդամություն ունեցող երիտասարդներ:
Տունկին ներկա էր նաև Ապրիլյան պատերազմի հերոս Ռոբերտ Աբաջյանի հայրը: «Կյաժի» անունով «Հաղթանակ» զբոսայգում կաղնի տնկվեց:
Նորաստեղծ կաղնուտը կփոխի տարածքի միկրոկլիման, կավելացնի թթվածինն և այգում ապրող սկյուռիկներին անուշահամ սնունդ կապահովի: 
Այսպիսով, «Հաղթանակ» զբոսայգին կամաց-կամաց ծառուտների է բաժանվում:Կար արոսենիների ու կեչիների պուրակ, ստեղծվեց նաև կաղնուտը: Մոտ ապագայում այս շարքը կհամալրեն նաև հմայիչ սզնիները: Ի դեպ, զբոսայգու տարածքում հայտնաբերվել են Խորհրդային ժամանակաշրջանից մնացած, բայց հպարտ կանգնած լորենիներ:
Հեռու չէ այն օրը, երբ կյանքը «Հաղթանակ» զբոսայգում հին օրերի պես կեռա մեղուների բզզոցով, սկյուռիկների կաղնու խաղով ու մարդկանց անցուդարձով: Նոր կյանքի երաշխավորն այգու նորատունկ ծառերն են:
