Դատական համակարգը թողած՝ ընկել ենք համահարթեցման հետեւից. Վահագն Խաչատրյան (տեսանյութ)
Աջակցիր «Ա1+»-ինԵկամտային հարկի համահարթ տարբերակն ամենահիմնավորվածն է տնտեսագետ Վահագն Խաչատրյանի համար։
Ըստ նրա՝ ավելի կարեւոր հարցեր կան, որոնց վերաբերյալ քննարկում չի ծավալվում Հարկային օրենսգրքի փոփոխությունների համատեքստում , եւ հանրության ամբողջ ուշադրությունը սեւռվել է միայն մեկ հարկատեսակի վրա։
«Մոռացանք, ընկանք համահերթացման հետեւից, երբ այդ մի չնչին հարց է հարկային տրամաբանության մեջ »,-ասում է նա՝ այս ամենում տեսնելով քաղաքական ենթատեքստ։ Նա այսօր ավելի կարեւորում է դատական համակարգի խնդիրը, որն ազդել է նաեւ տնտեսության վրա։
«Դեմագոգիա է. մասնագիտական առումով լուրջ քննարկում չկա»,- եկամտահարկի համահարթեցման սկզբունքին դեմ արտահայտվողների փաստարկներին հակադարձում է պարոն Խաչատրյանը։
Հարկային նոր փոփոխություններով՝ կառավարությունն առաջարկում է, անկախ եկամտի չափից, բոլորին հարկել հավասար՝ 23 տոկոս, որն աստիճանաբար պետք է դառնա 20 տոկոս։
Նրանց, ովքեր համարում են, որ այս կերպ խախտվում է սոցիալական արդարության սկզբունքը, Վահագն Խաչատրյանը նշում է. «Սոցիալական արդարություն հասկացողություն ինձ համար գոյություն չունի»։
Տնտեսագետը բացատրում է՝ գոյություն ունի արդարություն հասկացողություն,որը նախորդ իշխանության օրոք վերացել է մեր երկրից եւ որի արդյունքում է նաեւ մեր երկիրը հայտնվել տնտեսական այս վիճակում։
Որտե՞ղ էին այդ խրոխտ մարտիկները,- կառավարության առաջարկած բարեփոխումներին դեմ արտահայտվող որոշ խմբերի մասին ասում է նա։
«Ա1+»-ի հետ զրույցում նա օրինակներ է բերում հարեւան Վրաստանից, Ֆրանսիայից, ԱՄՆ-ից։
Մանրամասները՝ տեսանյութում
