Հաղթանակներ՝ բռնցքամարտի մենամարտերում (լուսանկարներ)
Մարտի 21-ին «Դինամո» մարզադահլիճում կայացան բռնցքամարտի Հայաստանի մեծահասակների առաջնության կիսաեզրափակիչ մենամարտերը:
49 կգ քաշային կարգում վստահ հաղթանակներ տոնեցին և եզրափակչի ուղեգիր նվաճեցին գյումրեցի Արթուր Հովհաննիսյանը և բանակային Արտյոմ Ալեքսանյանը: 52 կգ քաշային կարգի կիսաեզրափակչում Վլադիմիր Ենգիբարյանի մարզադպրոցը ներկայացնող Բարեղամ Հարությունյանը հաղթեց Գարեգին Ավետիսյանին Նարեկ Աբգարյանն էլ առավելության հասավ Դավիթ Սարգսյանի նկատմամբ: 56 կգ քաշային կարգի եզրափակչի ուղեգրի համար պայքարում Արամ Ավագյանը հաղթեց Սուրեն Առաքելյանին, իսկ Հենրիկ Մոքոյանը դժվարին պայքարում առավելության հասավ Էրիկ Պետրոսյանի նկատմամբ:
60 կգ քաշային կարգում Կարեն Տոնականյանը առավելության հասավ Հայաստանի նախորդ առաջնության չեմպիոն Արթուր Վարդանյանի նկատմամբ: Այս քաշային կարգում եզրափակչի մյուս ուղեգիրը նվաճեց Օլիմպիական հերթափոխի քոլեջի սան Արսեն Պողոսյանը, ով առավելության հասավ Տարոն Կարապետյանի նկատմամբ: 64 կգ քաշային կարգում եզրափակիչ դուրս եկան Արա Պուլուզյանն ու Հովհաննես Բաչկովը, 69-ում Լեո Պապյանն ու Արման Դարչինյանը: 75 կգ քաշային կարգում գյումրեցի Գագիկ Բոյանը առավելության հասավ Արայիկ Հարությունյանի նկատմամբ, իսկ դինամոյական Արթուր Սարգսյանն էլ ուժեղ գտնվեց իր ակումբակից Սերգեյ Սարգսյանի հետ պայքարում:
81կգ քաշային կարգում վստահ հաղթանակ տոնեց և եզրափակչի ուղեգիր նվաճեց Օլիմպիական հերթափոխի քոլեջի սան Նիկոլ Արությունովը , ով առավեության հասավ Տոնական Խաչատրյանի նկատմամբ: Այս քաշային կարգի մյուս մենամարտում Ավետիս Հարությունյանը առավելության հասավ Արտյոմ Գալստյանի նկատմամբ:
Վաղը կկայանան եզրափակիչ մենամարտերը, որոնք կմեկնարկեն 14:30-ին:
Հայաստանի բռնցքամարտի ֆեդերացիայի
մամուլի ծառայություն
