Բացել լրահոսը Փակել լրահոսը
329090738_6198853330148901_8839350668919562628_n
A A
Պաշտոնական

Դեղերի հետկանչ․ ԱԱՏՄ-ն իրազեկում է

ՀՀ առողջապահական և աշխատանքի տեսչական մարմինը հայտնում է՝

Հիմք ընդունելով 2023 թվականի հունվարի 30-ին ՀՀ ԱՆ «Ակադեմիկոս Էմիլ Գաբրիելյանի անվան դեղերի և բժշկական տեխնոլոգիաների փորձագիտական կենտրոն» ՓԲ ընկերությունից ստացված 27.01.2023թ-ի թիվ 01/279-23 գրությանը կից փորձաքննության եզրակացությունը, ՀՀ կառավարության 2019 թվականի փետրվարի 28-ի թիվ 164-Ն որոշմամբ հաստատված կարգի 2-րդ կետը, 5-րդ կետի 2-րդ ենթակետը և «Դեղերի մասին» ՀՀ օրենքի 23-րդ հոդվածի 2-րդ մասը՝ Առողջապահական և աշխատանքի տեսչական մարմնի ղեկավարի պարտականությունները կատարողի կողմից դեղի հետկանչի կարգադրագիր է տրվել «Թեոֆարմա Իմպորտ», «Ֆարմպրոեկտ», «Ֆարմատեք», «Ալֆա-Ֆարմ Իմպորտ», «Ռիխտեր-Լամբրոն, «Լևոն և Լամարա», «Տոնուս-Լես» և «Վագա-Ֆարմ» ՍՊ ընկերություններին։

Համաձայն վերոնշյալ եզրակացության՝ ՀՀ-ում գրանցված «Դիպրոսպան բետամեթազոն (բետամեթազոնի դիպրոպիոնատ), բետամեթազոն (բետամեթազոնի նատրիումական ֆոսֆատ) դեղակախույթ ներարկման 5մգ/մլ+2մգ/մլ; (5) ամպուլներ 1մլ Բելգիա Շերինդ-Պլաու Լաբո Ն.Վ., Ինդաստրիպարկ 30, Հեյստ-օպ-դեն-Բերգ, 2220 Օրգանոն Սենտրալ Իստ ԳմբՀ, Վեյշտրասե 20, 6006 Լուցերն (Շվեյցարիա)» դեղի W002247, W005812 և W028823 սերիաների որակի հսկման հետազոտությունների արդյունքում հայտնաբերվել է մեխանիկական մասնիկներով պայմանավորված որակի անհամապատասխանություն:

Հարգելի' քաղաքացիներ, խնդրում ենք ուշադիր լինել և խուսափել տվյալ սերիայով դեղի օգտագործումից։