ԱՄՆ նախագահը չեղարկել է Իրանի վրա նախատեսված հարձակումը, բայց սպառնում է
Աջակցիր «Ա1+»-ինԱՄՆ նախագահ Դոնալդ Թրամփը հայտարարել է, որ Իրանի դեմ նախատեսված ռազմական գործողությունը ժամանակավորապես հետաձգվել է Կատարի, Սաուդյան Արաբիայի և Արաբական Միացյալ Էմիրությունների առաջնորդների խնդրանքից հետո։
Թրամփի խոսքով՝ ներկայում ընթանում են «լուրջ բանակցություններ», որոնք կարող են հանգեցնել այնպիսի համաձայնագրի, որն «ընդունելի կլինի ԱՄՆ-ի, Մերձավոր Արևելքի և ամբողջ աշխարհի համար»։
«Այս համաձայնագիրը, որը կարևոր է, կներառի Իրանին միջուկային զենք չտալը»,- գրել է նա։
ԱՄՆ նախագահը նշել է, որ տարածաշրջանային առաջնորդների նկատմամբ հարգանքից ելնելով՝ հանձնարարել է պաշտպանության նախարար Փիթ Հեգսեթին, Զինված ուժերի շտաբների պետերի միացյալ կոմիտեի նախագահ Դանիել Քեյնին և ամերիկյան զինված ուժերին վաղը չիրականացնել նախատեսված հարձակումը Իրանի վրա։
Միաժամանակ՝ Թրամփն զգուշացրել է, որ ԱՄՆ-ն պատրաստ է «անհապաղ լիարժեք, լայնածավալ հարձակման», եթե բանակցությունները չհանգեցնեն ընդունելի համաձայնության։
