A
A
Ռուսլան Բաղդասարյանի նկատմամբ գրավ է կիրառվել․ նա չի ընդունում առաջադրված մեղադրանքը
Աջակցիր «Ա1+»-ինԴատարանն այսօր քննեց Դավթաշեն վարչական շրջանի նախկին ղեկավար Ռուսլան Բաղդասարայանի նկատմամբ կալանքի միջնորդության հարցը։ «Ա1+»-ի հետ զրույցում Ռուսլան Բաղդասարյանն ասաց՝ կալանքը փոխարինվել է 5 մլն ՀՀ դրամի չափով գրավով։
Դավթաշենի նախկին ղեկավարն ասաց՝ ինքը չի ընդունում իրեն առաջադրված մեղադրանքը։ Այլ մեկնաբանություն տալ չցանկացավ։
Հիշեցնենք որ Ռուսլան Բաղդասարյանը մեղադրվում է ՀՀ քրեական օրենսգրքի 179-րդ հոդվածի 3-րդ մասի 1-ին կետով (առանձնապես խոշոր չափերով յուրացում), 314-րդ հոդվածով (պաշտոնեական կեղծիք) եւ 325-րդ հոդվածի 2-րդ մասով (փաստաթղթերի կեղծում, որը կատարվել է մի խումբ անձանց կողմից նախնական համաձայնությամբ): Նախաքննական մարմինը Բաղդասարյանին կալանավորելու միջնորդություն էր ներկայացրել դատարան: