Գենոմոդիֆիկացված սերմեր Հայաստան չեն ներկրվում. մասնագետ
Տարբեր հավելումների ու թունաքիմիկատների միջոցով կոմերցիայի, բիզնեսի ազդեցությունը շրջակա միջավայրի և մարդկանց առողջության վրա: Սա ողջ աշխարհի այդ թվում նաև Հայաստանի ֆերմերների միտքը զբաղեցրած այն թեման էր, որին անդրադարձավ Արևորդի 7-րդ միջազգային բնապահպանական փառատոնի շրջանակում ցուցադրված ռեժիսոր Ջոն Բեթսի <<Սերմը. չպատմված պատմություն>> ֆիլմը:
Նախքան ֆիլմի դիտումը ապագա PR մասնագետ Անի Յազիչյանն արտահայտեց գենոմոդիֆիկացված սննդի օգտագործման վերաբերյալ իր բացասական կարծիքը. <<Փորձում են որակի հաշվին բարձրացնել քանակը, բայց նմանատիպ սննդի օգտագործումը կարող է հանգեցնել առողջական բարդ խնդիրների: Իմ կարծիքով պետք չէ քանակի համար խաղալ որակի և մասնավորապես մարդկանց առողջության հետ>>:
Ֆիլմի ավարտից հետո Հայաստանի գյուղատնտեսության բարեփոխմանն աջակցող <<Կանաչ արահետ>> հասարակական կազմակերպության նախագահ Նունե Սարուխանյանը նշեց, որ այս պահին գենոմոդիֆիկացված մթերքների հետ կապված սերմերի առումով անհանգստանալու կարիք չկա, քանի որ դրանք Հայաստան չեն ներկրվում: Քննարկան ընթացքում նաև խոսեց յուրահատուկ ու անհետացող սերմերի տեսակների մասին՝ հորդորելով հավաքագրել դրանք. <<Ղափանի գյուղերից մեկում մշավում է սև ոլոռ, որը կազմում է այդ գյուղի ազգային ճաշատեսակի մի մասը: Պետք է հայտնաբերել նմանատիպ սերմերը և հավաքել>>:
Հասմիկ Կոշկարյան
ՀՊՄՀ Լրագրության 2-րդ կուրսի ուսանող
[caption id="attachment_1573889" align="alignright" width="968"]
dav[/caption]
[caption id="attachment_1573890" align="alignright" width="684"]
sdr[/caption]
[caption id="attachment_1573891" align="alignright" width="968"]
sdr[/caption]
