ԵԽ-ի գործը` հակամարտության հարցերում
Մարդու իրավունքներն ամենաբարձրն են ցանկացած պահանջից,- ԵԽԽՎ ամբիոնից հայտարարեց Եվրոպայի խորհրդի Նախարարների կոմիտեի նախագահ, Բուլղարիայի ԱԳ նախարար Դանիել Միտովը , երբ նրան հարց տրվեց սառեցված հակամարտությունների մասին, որոնք ժամանակ առ ժամանակ բորբոքվում են :Եվրոպայի Լիբերալների եւ դեմոկրատների ալյանսի ներկայացուցիչ Մաթյու Մերիթխելը հարց տվեց, արդյոք նա կարող է վստահեցնել, թե միջոցներ կձեռնարկի այդ հակամարտությունների կարգավորման համար: Դանիել Միտովը հիշեցրեց` հակամարտությունների կարգավորումը ԵԽ մանդատը չէ, ուստի կառույցի աջակցությունն այդ հարցերում այն է, որ չոտնահարվի ՄԻ եվրոպական կոնվենցիան հակամարտության գոտում : Բոլորը, ովքեր ապրում են Եվրոպայում, կօգտվեն ԵԽ այն պաշտպանությունից, որ բխում է այդ փաստաթղթից,- վստահեցրեց նա: Վերջինիս հարց տալու համար հերթագրվել էին նաեւ ադրբեջանցի պատվիրակները, սակայն նրանց հերթը չհասավ : Ի դեպ, ԵԽ գլխավոր քարտուղար Թյոբորն Յագլանդը Վրաստանի վարչապետի հետ բրիֆինգի ժամանակ, պատասխանելով ԼՂ հակամարտության վերաբերյալ հարցին, ասել է, որ գործընթացը Մինսկի խմբի շրջանակներում է , ուստի իրենք ձեռնպահ են են մնում դիրքորոշում արտահայտելուց:
