A
A
Կառավարության նիստում հավանություն կտրվի ՖԻՖԱ-ի և ՈւԵՖԱ-ի ներդրումային ծրագրին
Ուրբաթ օրը կայանալիք ՀՀ կառավարության հերթական նիստում Տարածքային կառավարման եւ արտակարգ իրավիճակների նախարար Արմեն Երիցյանի առաջարկով՝ Հայաստանի Ֆուտբոլի ֆեդերացիա իրավաբանական անձանց միությանը հողամաս նվիրաբերելու մասին որոշում կկայացվի։ Առաջարկներում ասված է.
- Համաձայնություն տալ Հայաստանի Հանրապետության Շիրակի մարզի Գյումրի քաղաքի վարչական տարածքում գտնվող՝ համայնքային սեփականություն հանդիսացող Գյումրի քաղաքի «Մուշ- 2» թաղամասի N 10/5 հասցեում գտնվող 8,0 հեկտար մակերեսով, 64,800,000.0 դրամ հաշվեկշռային արժեք ունեցող հողամասը` Հայաստանի ֆուտբոլի ֆեդերացիա իրավաբանական անձանց միությանը նվիրաբերելուն՝ ֆուտբոլի տարածման և զարգացման համար մարզահամալիր կառուցելու նպատակով, ՀՀ կառավարության որոշմամբ հավանության արժանացած ներդրումային ծրագրին համապատասխան:
- Առաջարկել Գյումրու քաղաքապետին Հայաստանի ֆուտբոլի ֆեդերացիա իրավաբանական անձանց միության հետ համատեղ ապահովել սույն որոշման 1-ին կետում նշված հողամասի նվիրաբերության պայմանագրի սահմանված կարգով կնքումը՝ պայմանագրում նախատեսելով, որ պայմանագրի նոտարական վավերացման և դրանից բխող գույքային իրավունքների պետական գրանցման հետ կապված՝ օրենքով սահմանված համապատասխան վճարներն ու տուրքերը պետք է կատարվեն Հայաստանի ֆուտբոլի ֆեդերացիա իրավաբանական անձանց միության հաշվին:
