A
A
«Աֆրոամերիկյան» ոճում լավագույնը Էմին Պողոսյանն է
Հայաստանի վարսավիրները հաջող են հանդես եկել Միլանում կայացած վարսահարդարման արվեստի միջազգային մրցաշարում:
«Աֆրոամերիկյան» ոճի մրցումներում մրցանակային երեք տեղերը զբաղեցրել են Հայաստանի ներկայացուցիչները: Հաղթել է Էմին Պողոսյանը, երկրորդ տեղը գրավել է Արման Ասլանյանը, երրորդը` Նաիրա Ավոյանը:
«Հարսանեկան կտրվածք» ոճում բարձր տեղ է զբաղեցրել մրցումների նորեկ Մարինա Պետրոսյանը:
Հայաստանի վարսահարդարների եւ կոսմետոլոգների միության նախագահ Մարինա Առաքելյանը վարսահարդարների միջազգային համաժողովին առաջարկել է արեւելաեվրոպական երկրների հաջորդ առաջնությունը անցկացնել Երեւանում:
