Դարձյալ «անցանկալի» մրցակից
Շախմատի Հայաստանի տղամարդկանց հավաքականը Ստամբուլում ընթացող համաշխարհային օլիմպիադայում խուսափեց ամենաանցանկալի մրցակցի հետ հանդիպումից:
Դա, բնականաբար, Ադրբեջանի ազգային թիմն է, որը անընդհատ գտնվում էր առաջատարների խմբում եւ թվում էր, որ տուրերից մեկում կդառնա մերոնց մրցակիցը: Սակայն ՖԻԴԵ-ի համակարգիչների հաշվարկով դա այդպես էլ տեղի չունեցավ:
Սակայն վերջին տուրում մեր հավաքականին բաժին հասավ մեկ այլ մրցակից, որի հետ խաղը նույնպես հոգեբանական խնդիրներ կարող է ստեղծել մեր շախմատիստնրի մետ:
Բանն այն է, որ Հայաստանի հավաքականը մրցելու է Հունգարիայի թիմի հետ, մի երկրի, որի հետ դիվանագիտական հարաբերությունները դադարեցվել են ՀՀ եւ շախմատի հանրապետական ֆեդերացիայի նախագահ Սերժ Սարգսյանի կողմից:
Հարկ է նշել, որ վերջին տուրից առաջ մրցաշարային աղյուսակի վերին մասում բավական խառնաշփոթ վիճակ է ստեղծվել: Ներկայիս երեք առաջատարները` Չինաստանը, Հայաստանը եւ Ռուսաստանը անգամ կարող են չեմպիոն չդառնալ, քանի որ մրցելու են իրենց հետապնդող թիմերի հետ եւ եթե միասին պարտվեն,ապա կմնան առանց չեմպիոնության:
Այնուամենայնիվ, առաջին տեղի ամենառեալ հավակնորդները հենց առաջատար եռյակն է: Եթե երեք թիմերն էլ հաղթանակ տանեն վերջին տուրում, ապա օլիմպիական չեմպիոնին որոշելու համար հարկ կլինի դիմել լրացուցիչ ցուցանիշների օգնությանը:
Նշենք, որ օլիմպիադայի 11-րդ տուրը կսկսի 4 ժամ շուտ, Երեւանի ժամանակով 12:00-ին:
