Մելքումյանը շրջանցեց Մովսեսյանին
Շվեյցարական Բիլ քաղաքում անցկացվող շախմատի «Մաստեր» մրցաշարում Հայաստանի ներկայացուցիչները առայժմ հետապնդողների թվում են գտնվում:
Չորորդ տուրում Հայաստանի հավաքականի անդամ Սերգեյ Մովսեսյանը սեւերով ոչ-ոքի խաղաց չինացի Յան Վենի հետ: Նա վաստակեց 3 միավոր եւ 4-րդ տեղից նահանջեց 7-րդ հորիզոնական:
Գրոսմայստեր Հրանտ Մելքումյանը այդ տուրում սպիտակներով պարտության մատնեց հոլանդացի Բենժամին Բոկին: Մեր շախմատիստը 3,5 միավորով զբաղեցնում է 5-րդ տեղը:
Մրցաշարային աղյուսակը միանձնյա գլխավորում է խորվաթ Իվան Սարիչը, որը 4 հնարավորից ունի նույնքան միավոր:
Այսօր կայանալիք 5-րդ տուրում Սերգեյ Մովսեսյանը սպիտակներով կմրցի իսրայելցի Բորիս Ավրուխի հետ, իսկ Հրանտ Մելքումյանը սեւերով ուժերը կչափի ֆրանսիացի Մաքսիմ Վաշյե-Լագրավի հետ:
Նշենք, որ մրցաշարն անցկացվում է շվեյցարական մրցակարգով, 11 տուրով:
