Մերոնք հետապնդում են առաջատարներին
Բուլղարիայի Պլովդիվ քաղաքում շարունակվում է շախմատի տղամարդկանց Եվրոպայի անհատական առաջնությունը:
Վեց տուրից հետո աղյուսակը գլխավորում է 10 շախմատիստ, որոնք վաստակել են 5-ական միավոր:
Գրոսմայստերներ Սերգեյ Մովսեսյանը, Հրանտ Մելքումյանը եւ Վլադիմիր Հակոբյանը առաջատարներից առայժմ ետ են մնում 0,5 միավորով:
Վաղը կայանալիք 7-րդ տուրում Սերգեյ Մովսեսյանը սպիտակներով կհանդիպի Ֆրանսիայի ներկայացուցիչ Անդրեյ Ինտրատեսկուի հետ: Հրանտ Մելքումյանի մրցակիցն է Ռումինիայի ուժեղագույն շախմատիստ Վիկտոր Բոլոգանը, իսկ Վլադիմիր Հակոբյանինը՝ Էստոնիայի առաջատար գրոսմայստեր Կայդո Կուլաոտսը:
Վեց տուրից հետո 4-ական միավոր ունեն գրոսմայստերներ Ռոբերտ Հովհաննիսյանը, Գաբրիել Սարգսյանը եւ Տիգրան Լ. Պետրոսյանը: Հայաստանի այս տարվա չեմպիոնը սպիտակներով կմրցի Ռուսաստանի դրոշի ներքո հանդես եկող իր հայրենակից Արթուր Գաբրիելյանի հետ:
Հիշեցնենք, որ Եվրոպայի անհատական առաջնությունը անցկացվում է շվեյցարական մրցակարգով՝ 11 տուրով:
