Բացել լրահոսը Փակել լրահոսը
fotoram_io.thumb
A A
Պաշտոնական

Պետք է քննության առարկա դառնա՝ արդյո՞ք շան կծելու հետևանքով մահացած կնոջը պատշաճ բուժօգնություն ցուցաբերվել է, թե՞ ոչ. Արսեն Թորոսյան

Մամուլում տեղեկություններ եղան, որ շան կծելու հետևանքով առաջացած կատաղություն հիվանդության պատճառով, դժբախտաբար, երիտասարդ կնոջ մահվան դեպք է արձանագրվել, այս մասին հայտնել է ՔՊ-ական պատգամավոր Արսեն Թորոսյանը։

«Կատաղությունը վարակիչ հիվանդություն է, որը շան կամ այլ գիշատիչների թքի միջոցով փոխանցվում է այլ կենդանիներին կամ մարդուն։ Մարդուն կենդանու կծելու դեպքում կատաղությունը բուժվում կամ, ավելի ճիշտ, կանխարգելվում է դրա դեմ պատվաստվելով։

Կարծում եմ՝ նման դեպքերում պետք է քրեական գործ հարուցվի, որպեսզի քննության առարկա դառնա, թե արդյո՞ք կնոջը պատշաճ բուժօգնություն ցուցաբերվել է, թե՞ ոչ։ Եվ հատկապես պետք է պարզաբանվի շան կծելուց հետո նա պատվաստվե՞լ է, թե՞ ոչ։ Եթե չի պատվաստվել, ապա՝ ինչո՞ւ։ Բուժհաստատությունում կատաղության դեմ պատվաստանյութ եղե՞լ է, թե՞ ոչ, եթե չի եղել, ապա՝ ինչո՞ւ։ Պետք է պարզաբանվի նաև, թե արդյո՞ք դեպքի վերաբերյալ պատշաճ կերպով տեղեկացվել են սանիտարահակահամաճարակային մարմինները, եթե ոչ, ապա՝ ինչո՞ւ։

Հ.Գ. Թափառող շների խնդրի մասին շատ է խոսվել վերջերս և ակնհայտ է, որ այն նույնպես պետք է լուծվի, և համայնքները պետք է հավելյալ ռեսուրսներ ներդնեն այդ հարցը արագ և վերջնական լուծելու համար»,- Facebook-ում գրել է Թորոսյանը։