Գեղանուշի դպրոցականները ԶՊՄԿ-ում էին (տեսանյութ)
Աջակցիր «Ա1+»-ինԵրիտասարդների մասնագիտական կողմնորոշումը ԶՊՄԿ-ի կարևոր առաջնահերթություններից է։ Այդ նպատակով ընկերությունը շարունակաբար հյուրընկալում է դպրոցականների և ուսանողների՝ հնարավորություն տալով նրանց սեփական աչքերով տեսնել հանքի և արտադրական տարածքների աշխատանքը, ծանոթանալ ոլորտի առանձնահատկություններին և ապագա մասնագիտությունների հնարավորություններին։
Այս անգամ ԶՊՄԿ-ի հյուրերը Գեղանուշ բնակավայրի բարձր դասարանցիներն էին։ Այցի ընթացքում աշակերտները շրջեցին հանքում, հետևեցին հսկա տեխնիկայի աշխատանքին, ինչպես նաև այցելեցին հարստացուցիչ ֆաբրիկա։ Այցից հետո շատերը խոստովանեցին, որ երկրաբանության և ոլորտի այլ մասնագիտությունների նկատմամբ հետաքրքրությունը կրկնապատկվեց։
ԶՊՄԿ-ի համար սկզբունքային է, որ ընկերության աշխատակազմը համալրվի տարածաշրջանի աշխատուժով։ Այսօր ընկերության շուրջ 4800 աշխատակիցների ավելի քան 90 տոկոսը տեղացիներ են։
