Ադրբեջանի ՊՆ-ն հայտարարությունից հետո թիրախներ է ընտրել

Ադրբեջանը կեղծ ահաբեկչական մեղադրանքը հնչեցնելով Արցախի հասցեին, այս պահին տարբեր ռազմական օբյեկտների ուղղությամբ, տարբեր միջոցներով, զինատեսակներով կրակ է բացել, - այս մասին հայտնում է  պատգամավոր Տիգրան Աբրահամյանը ՖԲ-ում։

«Առաջնահերթ թիրախներ են ընտրվել, որոնք այս պահին կրակի տակ են: Այս պահին հստակ չի, թե քաղաքացիական օբյեկտները ևս թիրախավորվում ե՞ն, թե՞ ոչ, բայց հարվածները շարունակվում են»,-  գրել է նա։

Նշենք, որ Ադրբեջանի ՊՆ-ն հայտարարել է Արցախում «տեղային բնույթի հակաահաբեկչական միջոցառումների» մեկնարկի մասին։  Ըստ հաղորդագրության՝

 Ռուսաստանի Դաշնության խաղաղապահ զորախմբի հրամանատարությունը եւ թուրք-ռուսական մոնիտորինգային կենտրոնի ղեկավարությունը տեղեկացվել են ընթացող գործողությունների մասին։ Այն է՝ սպառազինության կիրառմամբ «առաջնագծում եւ խորքում շարքից դուրս են հանվում հայկական զինված ուժերի դիրքերը, դրանց երկարաժամկետ կրակակետերը, ինչպես նաեւ մարտական միջոցներն ու ռազմական նշանակության օբյեկտները»։