A
A
Հյուսիսային Կորեան հայտարարել է միջուկային պատերազմի անխուսափելիության մասին
Աջակցիր «Ա1+»-ինՀյուսիսային Կորեայի պաշտպանության նախարար Կանգ Սուն Նամի խոսքով՝ Կորեական թերակղզու տարածքում միջուկային պատերազմից խուսափելն անհնար է, դա միայն ժամանակի հարց է։ Այս մասին նա ասել է Միջազգային անվտանգության մոսկովյան XI համաժողովում, գրում է ՌԻԱ Նովոստին։
Նրա խոսքով՝ Վաշինգտոնը, իբր, «զառանցում» է միջուկային պատերազմի գաղափարով և մեծապես ազդում է Հարավային Կորեայի դիրքորոշման վրա։
«Կորեական թերակղզում միջուկային պատերազմն այլևս ոչ թե հարց է՝ այն կլինի՞, թե՞ ոչ, այլ հարց է՝ ով և երբ այն կսկսի»,- ասել է հյուսիսկորեացի պաշտոնյան։
Նա հավելել է, որ Փհենյանը «չի հավատում բանակցություններին, այլ հավատում է ֆիզիկական ուժին»։
«Ֆիզիկական ուժն է տարածաշրջանում խաղաղության և կայունության պահպանման միակ միջոցը»,- հայտարարել է Կանգ Սուն Նամը:
