Բացել լրահոսը Փակել լրահոսը
քննչական կոմիտե
A A
Քաղաքականություն

Քննչականը պնդում է՝ խուզարկություններն արվել են սահմանված պահանջների պահպանմամբ

Քննչական կոմիտեն պատասախանել է «Ա1+»-ի հարցմանը։

Փետրվարի 20-ին ՀՀ քննչական կոմիտեն Պետեկամուտների կոմիտեի հետ համագործակցությամբ օպերատիվ հետախուզական գործողություններ էր կատարել Բաղրամյան 31 հասցեում գործող Ակթրեյդ-Սոֆթ և Ակթրեյդ-Առմ ընկերություններում։

«Նոր Զովք» ընկերությանը, որտեղ իրականացվում էին ստուգումներ, Ակթրեյդ ընկերությունը ժամանակին տրամադրել է ավտոմատացված ծրագրեր։

Ըստ ընկերության աշխատակիցների, գործողությունների ընթացքում թույլ են տրվել բազմաթիվ խախտումներ, որոնք սահմանափակել են անձանց սահմանադրությամբ երաշխավորված իրավունքները՝ սեփականության, ֆիզիկական և անձեռնմխելիության, անձնական տվյալների պաշտպանության իրավունքները և այլն։ 

«Ա1+»ը հարցում էր ուղարկել ՀՀ Քննչական կոմիտե`  պարզաբանման համար։

Քննչական կոմիտեի պատասխանը ստորեւ․

 

«Ի պատասխան Ձեր 22․02․2022 թվականի դիմումի՝ հայտնում եմ, որ  «Ակթրեյդ-Սոֆթ» ՍՊ և  «Ակթրեյդ-Առմ» ՍՊ ընկերություններում խուզարկությունները կատարվել են ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչությունում քննվող քրեական վարույթով՝ դատարանի որոշումների հիման վրա։

Քրեական վարույթով խուզարկությունները և հարցաքննությունները կատարվել են ՀՀ քրեական դատավարության օրենսգրքով սահմանված պահանջների պահպանմամբ, հարցաքննությունները չեն տևել 4 ժամից ավել։

 Ինչ վերաբերում է խուզարկությունների արդյունքում վերցված իրերին, ապա դրանց տնօրինման հարցը կարող է լուծվել միայն այդ իրերի նկատմամբ անհրաժեշտ վարութային գործողությունները կատարելուց հետո։ Մասնավորապես, քրեական վարույթով ապացույց ճանաչվելու դեպքում՝ վերցված իրերի տնօրինման հարցը կարող է լուծվել օրինական ուժի մեջ մտած եզրափակիչ դատավարական ակտով, իսկ վարութային գործողությունների արդյունքում ապացուցողական նշանակություն չունենալու դեպքում՝ դրանք կվերադարձվեն օրինական տիրապետողներին»։