A
A
Դիվանագետների միջազգային օրվա առիթով հարգանքի տուրք է մատուցվել Սալոնիկի հայկական գերեզմանատանը թաղված հայ դիվանագետներին
Աջակցիր «Ա1+»-ինԱյսօր, Մարտի 2-ին, Դիվանագետների միջազգային օրվա առիթով հարգանքի տուրք է մատուցվել Սալոնիկի հայկական գերեզմանատանը թաղված հայ դիվանագետներին՝ հոգեհանգստյան արարողությամբ, որին ներկա են գտնվել Սալոնիկի հայ համայնքի խորհրդի նախագահը, համայնքային կառույցների ներկայացուցիչները և հանգուցյալ հայ դիվանագետների հարազատները։
Այս մասին տեղեկացնում է Հունաստանում ՀՀ դեսպանատունը։
«Արարողությունից հետո Հունաստանում Հայաստանի հանրապետության դեսպան Տիգրան Մկրտչյանի անունից ի պատիվ հայ դիվանագետների ծաղիկներ է զետեղել Սալոնիկում Հայաստանի Հանրապետության Պատվո հյուպատոս Ակիս Դագազյանը:
Դեսպան Տ.Մկրտչյանի ողջույնները փոխանցելուց հետո, խոսքով հանդես եկավ Պատվո հյուպատոս Ա.Դագազյանը»,- գրված է դեսպանատան հաղորդագրությունում:
