A
A
Ֆերդինանտ Կարապետյանը կմասնակցի ձյուդոյի Տաշքենտի «Մեծ սաղավարտի» մրցաշարին
Աջակցիր «Ա1+»-ինԱյսօր Ուզբեկստանի մայրաքաղաք Տաշքենտում մեկնարկած ձյուդոյի «Մեծ սաղավարտի» մրցաշարում Հայաստանից կմասնակցի մեր առաջատար ձյուդոյիստ Ֆերդինատ Կարապետյանը:
Նա հանդես կգա 73 կգ քաշային կարգում, որի մեկնարկը կտրվի վաղը՝ մարտի 6-ին: Առաջին փուլը մեր մարզիկը բաց կթողնի, իսկ երկրորդում կհանդիպի հունգարացի Միկլոշ Ունգվարիի և ուզբեկ Ջալոլիդին Բոյզարովի միջև կայանալիք մրցամարտի հաղթողի հետ: Այս քաշային կարգում հանդես են գալիս 49 մարզիկ, որոնց թվում է նաև Հունաստանը ներկայացնող հայազգի ձյուդոյիստ Գիորգիոս Մարկարյանը:
Հավելենք, որ Տաշքենտի մրցաշարը նաև վարկանիշային է: Ֆերդինատ Կարապետյանը մեր միակ ձյուդոյիստն է, որը պայքարում է Տոկիոյի օլիմպիական խաղերի ուղեգրի համար: