A
A
Վաշինգտոնում անկարգությունների հետեւանքով 4 զոհ կա. ավելի քան 50 հոգի ձերբակալվել է
Աջակցիր «Ա1+»-ինՎաշինգտոնում տեղի ունեցած անկարգությունների հետեւանքով 4 հոգի զոհվել է, 52 անձ ձերբակալված է: Այդ մասին հայտնում է ТАСС-ը:
Վաշինգտոնի ոստիկանապետ Ռոբերտ Կոնտին նշել է, որ զոհերից մեկը կին է, մահացել է հրազենային վնասվածքի հետեւանքով:
Նա նշել է, որ մայրաքաղաքի 12 ոստիկան տարբեր աստիճանի վնասվածքներ է ստացել բախումների հետեւանքով, երկուսը հոսպիտալացվել են:
Ձերբակալվել է 52 մարդ, մեծ մասը՝ պարետային ժամը խախտելու, իսկ ոմանք՝ ապօրինի զենք կրելու համար:
Հիշեցնենք, որ ԱՄՆ գործող նախագահ Դոնալդ Թրամփի կողմնակիցները, ովքեր հավաքվել էին Վաշինգտոնում, գրոհել են Կոնգրեսի շենքը և խափանել նիստը։ Ցուցարարները պահանջել են վերադարձնել Թրամփից գողացված ձայները:
Իրավապահները նրանց դեմ կիրառել են արցունաբեր գազ և լուսաձայնային նռնակներ։