«Օմոնիայի» ֆուտբոլիստներն արդեն ժամանել են Երևան (տեսանյութ)
Աջակցիր «Ա1+»-ինԿիպրոսի ֆուտբոլի չեմպիոն Նիկոսիայի «Օմոնիան» այսօր չարթերային չվերթով ժամանել է Երևան: Այդ մասին հայտնում է կիպրոսյան ակումբի մամուլի ծառայությունը:
Կիպրոսցիները հանգրվանել են «Ռեդիսոն Բլյու» հյուրանոցում: «Օմոնիան» այսօր նախախաղային մարզում է անցկացրել Ավանի ֆուտբոլի ակադեմիայի մարզադաշտում, որտեղ վաղը չեմպիոնների լիգայի 2020-21թթ խաղարկության որակավորման 1-ին փուլի շրջանակում կհանդիպի Հայաստանի չեմպիոն «Արարատ-Արմենիայի» հետ:
Կիպրոսի չեմպիոնի գլխավոր մարզիչ Հենինգ Բերգը հեռավար կազմակերպված մամուլի ասուլիսում ասել է, որ իրենք անհամբերությամբ էին սպասում առաջիկա հանդիպմանը:
«Վերջապես սկսվում են եվրոպական խաղերը, որը շատ լավ է «Օմոնիայի» համար: Մենք անցած տարի բավականին հաջող հանդես եկանք Եվրոպայում: Այս տարի էլ կփորձենք նույնպիսի ճանապարհ անցնել: Չնայած խաղում ենք մրցակցի դաշտում, բայց ամեն ինչ կանենք դրական արդյունքի հասնելու համար», - ասել է դանիացի մասնագետը:
Հիշեցնենք, որ կորոնավիրուսի պանդեմիայի պատճառով եվրոպական գավաթների խաղարկության որակավորման փուլում հաղթողները կորոշվեն մեկ խաղում:
