ԶԱՍՏՈՒԽՈՎԻ ՀՈՒՇԱՄՐՑԱՇԱՐԸ ՀԵՏԱՁԳՎԵՑ
Աջակցիր «Ա1+»-ին
Այսօր Երեւանում պետք է մեկնարկեր լեգենդար բասկետբոլիստ Վիտալի Զաստուխովի ավանդական հուշամրցաշարը, սակայն Հայաստանի բասկետբոլի ֆեդերացիայում «Ա1+»-ին հայտնեցին, որ մրցաշարը հետաձգվել է:
Մրցաշարին պետք է մասնակցեցին Հայաստանի, Իրանի եւ Վրաստանի պատանի բասկետբոլիստները, սակայն Իրանի եւ Վրաստանի ներկայացուցիչները երեկ երեկոյան տեղեկացրել են, որ չեն կարող ժամանել Երեւան: Հարեւան երկրների պատանեկան հավաքականները տեխնիկական որոշ խնդիրներ են ունեցել, ուստի խնդրել են մրցաշարը անցկացնել ավելի ուշ:
Բասկետբոլի ֆեդերացիայում առայժմ քննարկում են, թե երբ է նպատակահարմար անցկացնել մրցաշարը: Հավանական է, որ այն կայանա հունվարի վերջին:
Փոխարենը այսօր Արաբկիրի մարզադպրոցում մեկնարկեցին Հայաստանի 1996թ. ծնված տղաների եւ աղջիկների առաջնությունները:
Առաջնությանը մասնակցում են 16 ական թիմեր, որոնց թվում ընդգրկված են նաեւ մարզերի ներկայացուցիները: Պատանիները նախ կպայքարեն խմբային մրցաշարում, ապա դուրս կգան փլեյ-օֆֆ: Առաջնությունը կտեւի 6 օր:
