Բացել լրահոսը Փակել լրահոսը
A A

ՀԱՅԱՍՏԱՆ-ՉԻՆԱՍՏԱՆ. ՄՐՑԱՄԱՐՏԸ ՍԿՍՎԱԾ Է

Սպորտ

Քիչ առաջ Դրեզդենում մեկնարկեց շախմատի Համաշխարհային օլիմպիադայի վերջին 11-րդ տուրը: Հայաստանի(9) մրցակիցը Չինաստանի հավաքականն է (3): Հաղթանակի դեպքում հայ շախմատիստները կպահպանեն օլիմպիադայի չեմպիոնի կոչումը:

Հայաստան-Չինաստան

Լեւոն Արոնյան (2757)-Վանգ Յու (2736)

Վլադիմիր Հակոբյան (2679)-Բու Հիանցզի(2714)

Գաբրիել Սարգսյան (2642)-Նի Հուա(2710)

Տիգրան Պետրոսյան (2629)-Լի Չաո(2622)

Հայաստանի եւ Չինաստանի հավաքականները հանդիպել են նաեւ 2006թ. օլիմպիադայի 10-րդ տուրում: Հայաստանը այն ժամանակ հաղթեց 2.5:1.5 հաշվով: Մեր թիմի կազմում հաղթանակ տոնեց Վլադիմիր Հակոբյանը: Կողմերը 2 տարի առաջ հանդես էին գալիս գրեթե նույն կազմերով: Հայաստանի կազմում տեղի է ունեցել մեկ փոփոխություն: Մայիսին կյանքից վաղաժամ հեռացած Կարեն Ասրյանի փոխարեն հանդես է գալիս Տիգրան Պետրոսյանը: Չինացիները կազմում Ժանգ Ժոնգին փոխարինել է Լի Չաոն:

Այսօր կայանալիք մյուս հանդիպումներում մեր ուշադրության կենտրոնում կլինի նաեւ Ուկրաինա-ԱՄՆ հանդիպումը: Հայաստանի եւ Ուկրաինայի հավաքականները 17-ական միավոր են վաստակել, սակայն լրացուցիչ ցուցանիշներով մերոնք առջեւում են:

Կանանց Հայաստանի հավաքականը (6) այսօր հանդիպում է Հնդկաստանի (11) հետ:

Հայաստան-Հնդկաստան

Էլինա Դանիելյան(2513)-Դրոնավալի Հարիկա(2462)

Լիլիթ Մկրտչյան (2443)-Սաչդեւ Տանիա (2425)

Նելլի Աղինյան (2325)-Գատե Սվատի (2320)

Լիլիթ Գալոյան (2305)-Անն Մարի Գոմես (2298)

Թարմացնելու համար սեղմեք Ctrl+F5