A
A
Գյումրեցի ակտիվիստը ձերբակալված է. տեսանյութ (տեսանյութ)
Գյումրիում իրավիճակը լարված է: Ակտիվիստ Ղարիբ Հարությունյանը ձերբակալված է: Նա գտնվում է Ոստիկանության Մուշի բաժնում: Նրա պաշտպան Հայկ Հարությունյանը Ա1+ի հետ զրույցում տեղեկացրեց, որ Ղարիբ Հարությունյանին մեղադրանք է առաջադրվել ՀՀ ՔՕ-ի 258-րդ հոդվածի 1 մասով՝ խուլիգանություն: Պաշտպանը պատրաստվում է ձերբակալման որոշումը վիճարկել դատարանում: Գյումրիում առավոտից երթը շարժվել է քաղաքի կենտրոնական փողոցներով: Նրանց են միացել Կենտրոնական շուկայի աշխատակիցները՝ փակելով շուկան։ Վարդանանց հրապարակում ՀՊՏՀ ԳՄ-ի դասախոս, ակտիվիստ Կարեն Պետրոսյանին փորձեցին բռնի ուժով բերման ենթարկել, սակայն ցուցարարները թույլ չտվեցին նրան բերման ենթարկել: Դրանից հետո բերման ենթարկեցին համալսարանի մեկ այլ դասախոս, ակտիվիստ Ղարիբ Հարությունյանին։
