A
A
Հենրիխ Մխիթարյանը մասնակցեց «Մանչեսթեր Յունայթեդի» հաղթանակին (տեսանյութ)
Հայաստանի հավաքականի ավագ Հենրիխ Մխիթարյանը, որը վերջերս բաց էր թողել «Մանչեսթեր Յունայթեդի» երկու խաղերը, այսօր մասնակցեց Անգլիայի առաջնության 13-րդ տուրի հանդիպմանը: Մանչեսթրցիները սեփական դաշտում ընդունեցին Պրեմիեր լիգայի նորեկ «Բրայթոնին», որը առայժմ վատ չի հանդես գալիս ուժեղագույնների մեջ եւ 16 միավորով զբաղեցնում է պատվավոր 9-րդ տեղը: Լարված պայքարում ընթացած խաղն ի վերջո ավարտվեց «Մանչեսթեր Յունայթեդի» նվազագույն հաղթանակով՝ 1:0, ընդ որում 66-րդ րոպեին հյուրերի պաշտպան Լյուիս Դանկը գրավեց սեփական դարպասը: Հներիխ Մխիթարյանը հանդիպումը սկսեց պահեստայինների նստարանին, իսկ խաղի 71-րդ րոպեին մեր ֆուտբոլիստը փոխարինեց Մարսյալին:
