A
A
Նախարարի հանձնարարականով այցելել են «Նուբարաշեն»
Արդարադատության նախարար Արփինե Հովհաննիսյանի հանձնարարականով ՀՀ ԱՆ վերահսկողական ծառայության ներկայացուցիչներն այսօր այցելել են «Նուբարաշեն» ՔԿՀ՝ մամուլում նախօրեին տարածված տեղեկությունը տեղում ստուգելու և իրավիճակին համապատասխան գործողություն ձեռնարկելու համար: Արդյունքների մասին կտեղեկացնենք ավելի ուշ: Այս մասին հայտնում է ԱՆ տեղեկատվության և հասարակայնության հետ կապերի վարչությունը։ «Ա1+»-ը վերջին օրերին անդրադարձել է «Նուբարաշեն»-ում տեղի ունեցող դեպքերին, ըստ որոնց՝ դատապարտյալներն ինքնավնասումներ են իրականացրել՝ իմանալով, որ իրենց տեղափոխում են առավել վատ պայմաններով խցեր։ Ըստ ահազանգերի՝ դատապարտյալների նկատմամբ նաև բռնություններ են կիրառվել աշխատակիցների կողմից։ Կարդալ այստեղ, այստեղ։