Տաթեւիկ Հովհաննիսյան. Կարճաժամկետ վերադարձ տուն (տեսանյութ)
«Ամերիկայում լինել ջազմեն, արդեն մարտահրավեր է»,- մի առիթով ասել է հայկական ջազի լեգենդ Տաթեւիկ Հովհաննիսյանը, ով 1991թ ապրում է Ամերիկայի Միացյալ նահանգներում։ Ամերիկյան հանդիսատեսի ծափերին արժանացած երգչուհին վերադարձել է տուն, թեեւ կարճաժամկետ։
Ջազ երգչուհին կեսօրին ժամանել է Երեւան։ Վաղն արդեն կպատասխանի հայաստանցի լրագրողների հարցերին։ Երկրպագուների հետ անդրանիկ հանդիպումը կլինի հունիսի 28-ին՝ «Յանս» ակումբում։ Սա նրա երեւանյան միակ համերգը չի լինի։ Եւս մեկ համերգ տեղի կունենա Երեւանում՝ հուլիսի 4-ին՝ Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնում:
Հայաստանյան առաջին հյուրախաղերի ընթացքում ջազի լեգենդը ելույթ կունենա նաեւ Գյումրիում եւ Ստեփանակերտում։
Տաթեւիկ Հովհաննիսյանի հայաստանյան առաջին հյուրախաղերի կազմակերպիչը «ԱԶԴ» ՍՊԸ-ն է։
Նա ծնվել է 1955թ. հունիսի 3-ին Երևանում՝ երգչուհի Օֆելյա Համբարձումյանի և քամանչահար Նորայր Հովհաննիսյանի ընտանիքում։
