A
A
Լեւոն Արոնյանը ոչ-ոքի խաղաց Կրամնիկի հետ
Հայաստանի ուժեղագույն շախմատիստ Լեւոն Արոնյանը Ստավանգերում ընթացող գերմրցաշարի 7-րդ տուրում ոչ-ոքի խաղաց Վլադիմիր Կրամնիկի հետ: Հինգ ժամ 20 րոպե տեւած պարտիայում սպիտակներով հանդես եկող ռուսաստանցի գրոսմայստերը մշտապես դիրքային առավելություն ուներ, սակայն Լեւոն Արոնյանը զոհաբերեց փիղը եւ ստացավ հավերժական շախի դիրք: Աշխարհի նախկին չեմպիոնը 63-րդ քայլին ստիպված խաղաղ դաշն կնքեց: Այդպիսով, Լեւոն Արոնյանը վաստակեց 3 միավոր եւ շարունակում է հետապնդել առաջատար եռյակին, որն ընդամենը մեկ միավոր է շատ վաստակել: Հունիսի 12-ին նախատեսված 8-րդ տուրում Լեւոն Արոնյանը սպիտակներով կհանդիպի մրցաշարի առաջատարներից մեկի` իտալացի Ֆաբիանո Կարուանայի հետ:
