Մեկ արծաթ, մեկ` բրոնզ
Խարկովում 40-րդ անգամ անցկացվեց ազատ ոճի ըմբիշ, ԽՍՀՄ սպորտի վարպետ Հովհաննես Սահակյանի հուշամրցաշարը:
Մրցումներին մասնակցեցին 7 երկրների` Հայաստանի, Ուկրաինայի, Ռուսաստանի, Սլովակիայի, Մոլդովայի, Վրաստանի, Ղազախստանի 119 ըմբիշ:
Մեր մարզիկներից Դավիթ Ապոյանը 66 կգ քաշային կարգում զբաղեցրեց 2-րդ տեղը` եզրափակիչում պարտվելով Ուկրաինան ներկայացնող Ռուստամ Ջաֆարյանին:
55 կգ քաշային Արտակ Հովհաննիսյանը հասավ մինչեւ կիսաեզրափակիչ եւ բավարարվեց բրոնզե մեդալով:
Ուկրաինան ներկայացնող մեր հայրենակից Լյուդվիգ Շոլինյանը հաղթեց 60 կգ քաշայինների մրցումներում:
Ի դեպ, հուշամրցաշարի գլխավոր հովանավորը Խարկովի մարզի «Հայկական համայք» հասարակական կազմակերպությունն է:
Հավելենք, որ Հովհաննես Սահակյանը, որը ծնվել է 1946 թ, Խարկովում, իր կարճատեւ կարիերայի ընթացքում դարձել է Ուկրաինայի հնգակի չեմպիոն, ԽՍՀՄ գավաթակիր: Նա եղել է 1972 թ օլիմպիական խաղերի ԽՍՀՄ հավաքականի անդամ, սակայն 1971-ին ողբերգական մահը ընդհատել է անվանի ըմբիշի կյանքը:
