A
A
Էրիկն արժանացավ «Հանդիսատեսի համակրանք»-ին
Երեկ ուշ երեկոյան Յուրմալայում ավարտվեց «Նոր Ալիք 2011» երգի փառատոնը: Մրցույթի հաղթող դարձավ ամերիկացի Ջեյդեն Ֆելդերը: Նա հավաքեց 341 միավոր:
Առաջին հորիզոնականը զբաղեցրած ամերիկացի մասնակիցը ստացավ 50 000 եվրո դրամական պարգև: Երկրորդ տեղը զբաղեցրեց ուկրաինուհի Մաշա Սոբկոն, որը ստացավ 30 000 եվրո, իսկ 3-րդ հորիզոնականում հայտնված Ռուսատանի մասնակիցներին հանձնվեց 20 000 եվրո:
Հայաստանը ներկայացնում էր երգիչ Էրիկ Կարապետյանը, որը զբաղեցրեց 5 -րդ հորիզոնականը: Նա նաև արժանացավ «Հանդիսատեսի համակրանք» մրցանակին:
Մրցույթին մասնակցում էին 14 երկրների մասնակիցներ:
Տարբեր տարիներին Հայաստանն այս մրցույթին ներկայացրել են Էմմին, Ռազմիկ Ամյանը, Մհերը, իսկ 2010թ. «Նոր ալիք»-ի հաղթող ճանաչվեց երգչուհի Սոնա Շահգելդյանը:
