Մենք հանրահավաքի անունից դիմելու ենք Մինսկի խմբի համանախագահներին (տեսանյութ)
Աջակցիր «Ա1+»-ին«Միասին» այլընտրանքային հասարակական-քաղաքական շարժումը այսօր նախատեսել է հանրահավաք։ Հայաստանի դեմոկրատական կուսակցության նախագահ Արամ Գասպարի Սարգսյանը, հավաքից առաջ զրուցելով լրագրողների հետ, նշեց, որ եթե եղանակային պայմանները չխանգարեին, հրապարակում հազարավոր մարդիկ էին լինելու։ «Մեզ արդեն մի շարք մարզերից զանգահարել էին՝ տեղեկացնելով, որ ճանապարհները անանցանելի են»,– ասաց Սարգսյանը։ Անդրադառնալով օրվա խորհրդին՝ նա ընդգծեց, որ Արցախի հարցը դեռևս չկարգավորված է, և Հայաստանը պարտավոր է պահպանել Արցախը որպես հայկական տարածք։ Շարժման ներկայացուցիչները կարևորել են ազգային համախմբվածությունը՝ շեշտելով, որ «միասնությունն է, որ մեզ փրկելու է»։ «Մենք գտնում ենք, որ անհրաժեշտ է դիմել ԵԱՀԿ Մինսկի խմբի համանախագահներին։ Այսօր ցանկանում էինք հանրահավաքի անունից հնչեցնել այդ կոչը»,– ասաց Սարգսյանը։ Նա նաև ընդգծեց, որ ԵԱՀԿ Մինսկի խմբի համանախագահները նորից փորձում են վերականգնել իրենց հարաբերությունները, և Հայաստանը պետք է օգտվի այս հնարավորությունից՝ միջազգային մակարդակով վերակենդանացնելու խնդրի քննարկումը։ 📺 Մանրամասները՝ տեսանյութում։
