Երևանյան լճից տղամարդու դի են դուրս բերել

Այսօր ժամը 17։00-ի սահմաններում  ՆԳՆ ոստիկանություն օպերատիվ տեղեկություններ են ստացվել, որ Երևանյան լճում դի կա, գրում է Shamshyan.com-ը։

Ինչպես դեպքի վայրից հայտնում է ֆոտոլրագրող Գագիկ Շամշյանը, դեպքի վայր ժամանած հրշեջ փրկարարները հատուկ ճոպանի միջոցով լճից դուրս են բերել տղամարդու դի։

Նշանակվել է դիակի դատաբժշկական փորձաքննություն։ Աշխատանքներ են տարվում՝ պարզելու մահացածի ինքնությունը։

Դեպքի փաստով Շենգավիթի քննչական բաժնում նախաձեռնվել է քրեական վարույթ։