Բացել լրահոսը Փակել լրահոսը
c72d1f61d64788e783c64ffbdcf3d785_1696877743
A A
Քաղաքականություն

Իսրայելը ՀԱՄԱՍ-ին առաջարկել է հրադադար հաստատել պատանդներին ազատելու դիմաց․Al Arabiya

Իսրայելը պաղեստինյան ՀԱՄԱՍ շարժման հետ անուղղակի բանակցությունների ընթացքում առաջարկել է հրադադար հաստատել բոլոր պատանդներին ազատ արձակելու և զոհվածների մարմինները վերադարձնելու դիմաց, որը  մերժվել է: «Արմենպրես»-ի հաղորդմամբ՝ այս մասին հայտնել է «Al Arabiya» հեռուստաալիքը՝ հղում անելով բանակցությունների ընթացքին ծանոթ աղբյուրներին։

Բացի այդ, ինչպես պնդում են հեռուստաալիքի աղբյուրները, ՀԱՄԱՍ-ը տևական զինադադար է պահանջել՝ որպես պայման Գազայի հատվածում պահվող պատանդների ազատ արձակման շուրջ բանակցություններ վարելու համար: Իսրայելի իշխանությունները ևս մերժել են տևական հրադադարի պահանջը։

Ավելի վաղ, ՀԱՄԱՍ շարժումը հայտարարել է, որ պատրաստ է ազատ արձակել բոլոր գերեվարված քաղաքացիական անձանց, սակայն Գազայի հատվածի ինտենսիվ ռմբակոծությունները թույլ չեն տալիս դա անել։