A
A
Պրիգոժինը հայտարարել է, որ հետ են շրջում շարասյուները
Աջակցիր «Ա1+»-ին«Վագներ»-ի ներկայացուցիչները շրջում են հետ իրենց շարասյուները և վերադառնում ճամբարներ, հայտնում է խմբի ղեկավար Եվգենի Պրիգոժինի մամուլի ծառայությունը Telegram-ի ալիքում, գրում է Ria.ru-ն։
«Գիտակցելով ողջ պատասխանատվությունը որ կարող է ռուսական արյուն թափվել, մենք շրջում ենք շարասյուները և հակառակ ուղղությամբ՝ պլանի համաձայն, մեկնում ենք դաշտային ճամբարներ»,- հայտնել է նա։
Հիշեցնենք, որ ավելի վաղ Բելառուսի նախագահ Ալեքսանդր Լուկաշենկոյի մամլո ծառայությունը հայտնել էր, որ Պրիգոժինն ընդունել է Լուկաշենկոյի առաջարկը՝ դադարեցնել «Վագներ» ընկերության զինված անձանց տեղաշարժը Ռուսաստանի տարածքում և հետագա քայլեր ձեռնարկել լարվածությունը թուլացնելու համար։
