Տեղ գյուղում այդպիսի բան չկա, կարողա մի մոլախոտ այդպես խոսի․ Մելիքսեթ Պողոսյան (տեսանյութ)
Աջակցիր «Ա1+»-ին«Տեղ գյուղում այդպիսի բան չկա, կարող ա՝ մի մոլախոտ այդպես խոսի։ Ես այնտեղ հարգանք ունեմ, ու բնակիչների հետ խնդիր չկա»․ Եռաբլուրում նշում է Սյունիքի նախկին մարզպետ Մելիքսեթ Պողոսյանը՝ անդրադառնալով այն տեղեկությանը, որ իր և Տեղ գյուղի որոշ բնակիչների միջև լուրջ տարաձայնություններ կան։
Պողոսյանը առաջարկեց բոլոր լրագրողներին իր հետ միասին գնալ Տեղ գյուղ և համոզվել, որ ինքը այնտեղ խնդիրներ չունի։
Հարցին, թե ինչո՞ւ է Պողոսյանը պաշտպանում «Քաղաքացիական պայմանագիր» կուսկացության շահերը, նախկին մարզպետը պատասխանեց․ «Իմ առաքելությունը հայրենիքի պաշտպանություն է, ես ոչ մի կուսակցության մեջ ամբողջ կյանքում չեմ եղել»։
Քանի որ Մելիքսեթ Պողոսյանը հանդիսանում է Սյունիքի աշխարհազորի հրամանատարը, նրան հարց ուղղեցին, թե ինչպես է ստացվել, որ ադրբեջանցիները իրենց վերահսկողության տակ են վերցրել Սև լիճը, որին ի պատասխան Պողոսյանը ասաց․ «Դա բանակի խնդիրն է եղել, ես հարավային մասի պատասխանատուն եմ եղել»։
Մանրամասները՝ տեսանյութում
