Իրանի և Ադրբեջանի արտգործնախարարները խոսել են երկու երկրների միջև խնդիրների կարգավորման և թյուրիմացությունների վերացման ուղիների մասին: Ընդ որում, երկուսն էլ ընդգծել են երկու պետությունների ինքնիշխանության և տարածքային ամբողջականության փոխադարձ հարգանքի կարևորությունը:

 

Այս մասին հայտնում է Tasnim գործակալությունը՝ հղումով Իրանի ԱԳՆ-ին:

 

Իրանի արտաքին գործերի նախարար Հոսեյն Ամիրաբդոլլահիանը և նրա ադրբեջանցի գործընկեր Ջեյհուն Բայրամովը ուրբաթ և շաբաթ օրը ինտենսիվ բանակցությունների երկու փուլ են անցկացրել Բաքվի և Թեհրանի միջև` երկկողմ հարաբերությունների ընթացիկ զարգացման և մի շարք տարածաշրջանային հարցերի շուրջ:

 

Ամիրաբդոլլահիանը և Բայրամովը մտքեր են փոխանակել առկա տարաձայնությունների և թյուրըմբռնումների շուրջ և ուսումնասիրել ստեղծված իրավիճակից դուրս գալու ուղիները, ասվում է արտաքին գործերի նախարարության կայքում: