Հասանելի, արդիական, պացիենտի կարիքներին միտված, ծախսարդյունավետ և բարձր որակի առողջապահական ծառայությունների մատուցումը առողջապահության նախարարության վերջին տարիների գերակայություններից է, իսկ առողջության առաջնային պահպանման օղակի հզորացումը՝ դրա նախապայման:

 

ԱԱՕ օղակում նախատեսված համակարգային բարեփոխումներն են եղել նաև «Առողջության առաջնային պահպանման օղակի հզորացում» խորագիրը կրող աշխատաժողովի քննարկման առարկան՝ տեղեկացնում ենք Առողջապահության նախարարության ֆեյսբուքյան էջից:

 

Աշխատաժողովի ընթացքում կիրառվել է նաև ֆոկուս խմբային քննարկման ձևաչափը, որին մասնակցել է առողջապահության նախարար Անահիտ Ավանեսյանը։

Ներկայացվել են՝

 

ԱԱՊ օղակի ներկայից իրավիճակը,

առաջնային օղակը՝ որպես համապարփակ առողջապահական ծածկույթի ողնաշար,

առաջնային օղակի բարեփոխումները,

առողջապահական ծառայությունների որակի բարելավման ռազմավարությունը և դրանից բխող միջոցառումների ծրագիրը,

Աշխատաժողովի մասնակիցները փաստել են, որ ԱԱՕ-ի բարեփոխումը կհանգեցնի՝

հաջորդող ծառայությունների (օր.՝ շտապ օգնության, հիվանդանոցային, և այլն) օգտագործման առավելագույն արդյունավետության,

ֆինանսական խնայողության,

որակի բարձրացման։

Քաղաքացիների ֆինանսական բեռը նվազեցնող, բարձրորակ ու ծախսարդյունավետ ԱԱՕ գործունեություն ապահովելու համար կարևորվել է ճիշտ ծավալով և բաշխմամբ ֆինանսավորումը:

 

Նշվել է, որ ԱԱՕ բարեփոխումները լինելու են համակարգային` շենքային պայմաններից մինչև էլեկտրոնային մատյանների վարում և հերթագրումների կառավարում, պացիենտ-բժիշկ հետագծի վերահսկելիությունից մինչև մասնագետների վերապատրաստում:

 

Հանրության կարիքները բավարարող և շահերի բախումները նվազագույնի հասցնող ԱԱՕ համակարգ ստեղծելու համար հնչել են հանրությանը և այլ շահագրգիռ կողմերին ներգրավելու առաջարկներ: