Բացել լրահոսը Փակել լրահոսը
A A
Պաշտոնական Հասարակություն

Պարեկները կոտրել են մեքենայի ապակին ու անգիտակից վարորդին հանելով՝ տարել հիվանդանոց (տեսանյութ)

Մարտի 25-ին, ժամը 10.40-ի սահմաններում, պարեկային ծառայության Երևանի գնդի 4-րդ գումարտակի ոստիկանները ծառայության ընթացքում «Արմենիա» բժշկական կենտրոնի տարածքում նկատել են շարժիչը միացված «Օպել»։

Մեքենայի հետևի նստելատեղին գտնվող տղամարդը չի արձագանքել պարեկներին։

Ոստիկանները նկատելով, որ մեքենայի դռները կողպված են, և տղամարդն անգիտակից վիճակում է, կոտրել են ապակին և բժիշկների հետ անգիտակից տղամարդուն տեղափոխել են հիվանդանոց։

Ըստ նախնական տվյալների՝ «Օպելի» 48-ամյա վարորդը թունավորվել էր շմոլ գազից՝ հայտնում է  Ոստիկանությունը։
Տղամարդուն բժշկական կենտրոն տեղափոխելուց հետո պարեկները շարունակել են իրենց ծառայությունը։