Դժվարանցանելի են Սարավան-«Զանգեր», Ալավերդի-Ջիլիզա ավտոճանապարհները
Աջակցիր «Ա1+»-ին«Ճանապարհային դեպարտամենտ» հիմնադրամը տեղեկացնում է, որ մարտի 26-ին՝ ժամը 10։00-ի դրությամբ, Սարավան-«Զանգեր», Ալավերդի-Ջիլիզա ավտոճանապարհները դժվարանցանելի են բոլոր տեսակի տրանսպորտային միջոցների համար։ Վարդենյաց լեռնանցքը փակ է կցորդով տրանսպորտային միջոցների համար։
Ստեփանավանի ոլորանները դժվարանցանելի են կցորդով տրանսպորտային միջոցների համար։
Վանաձոր-Դիլիջան, Աղվանի-Տաթև ավտոճանապարհներին տեղ-տեղ մերկասառույց է։
Եղեգնաձորի, Վայքի, Սիսիանի, Գորիսի, Մեղրիի, Վարդենիսի տարածաշրջանների ավտոճանապարհներին ձյուն է տեղում։
Միջպետական և հանրապետական նշանակության մյուս ավտոճանապարհները բաց են:
Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ:
Վթարներից, պատահարներից և խցանումներից խուսափելու համար վարորդներին խորհուրդ է տրվում երթևեկել բացառապես ձմեռային անվադողերով:a