A
A
Հայաստանի Մ-20 բասկետբոլիստուհիները պարտվեցին Հունաստանին
Աջակցիր «Ա1+»-ինՀայաստանի բասկետբոլի մինչև 20 տարեկանների կանանց հավաքականն այսօր երրորդ հանդիպումն անցկացրեց Երևանում ընթացող Եվրոպայի Մ-20 առաջնության չելենջ-մրցաշարի D ենթախմբում:
Մեր ընտրանին այս անգամ մրցում էր Հունաստանի հետ: Հայաստանի հավաքականը չնայած հաղթեց առաջին քառորդում 12:11 հաշվով, սակայն հետո զիջեց մյուս քառորդներում և պարտություն կրեց 52:88 հաշվով:
Հանդիպման ամենաարդյունավետ խաղացող ճանաչվեց հույն Լիլիա Աննա Կարակասիդուն, որը վաստակեց 22 միավոր: Մեր թիմի արդյունավետ խաղով աչքի ընկավ կենտրոնական Փաթիլ Եագուպեանը` 16 միավոր:
Հաջորդ հանդիպումը Հայաստանի հավաքականը կանցկացնի հուլիսի 18-ին, Ալբանիայի ընտրանու հետ, որն այսօր 52:116 հաշվով պարտվել էր Շվեյցարիային:
