A
A
Շանթ Սարգսյանը պարտվեց ադրբեջանցի շախմատիստին և դուրս մնաց աշխարհի գավաթից
Աջակցիր «Ա1+»-ինՀայաստանի շախմատիստ Շանթ Սարգսյանը չկարողացավ հաղթահարել Սոչիում ընթացող շախմատի աշխարհի գավաթի խաղարկության 2-րդ փուլը և դուրս մնաց պայքարից:
Այսօր կայացան թայ-բրեյքի պարտիաները: Արագ շախմատում մեր շախմատիստը դարձյալ մրցեց ադրբեջանցի Նիջաթ Աբասովի հետ: Առաջին պարտիայում գրանցվեց ոչ-ոքի արդյունք, իսկ երկրորդում հաղթեց մրցակիցը: Այդպիսով, Շանթ Սարգսյանը պարտվեց ընդհանուր 1,5:2,5 հաշվով և ավարտեց ելույթները:
Թայ-բրեյքում անհաջող հանդես եկավ նաև բրազիլահայ շախմատիստ Գրիգոր-Սևակ Մխիթարյանը, որը 0:2 հաշվով պարտվեց Շախրիյար Մամեդյարովին: Այդպիսով, մրցաշարի 3-րդ փուլում մեր շախմատիստ Հայկ Մարտիրոսյանի մրցակիցը կլինի հենց ադրբեջանցի գրոսմայստերը:
