A
A
Հրաձիգ Նորայր Առաքելյանը 3-րդ տեղն է գրավել առցանց միջազգային մրցաշարում
Աջակցիր «Ա1+»-ինՀնդկաստանի հրաձգության ֆեդերացիայի նախաձեռնությամբ անցկացվել է 10մ ատրճանակ ձևի առցանց բաց առաջնություն, որին մասնակցել են հայտ ներկայացրած բոլոր հրաձիգները:
Ինչպես տեղեկացնում է Հայաստանի հրաձգության ֆեդերացիան, տղաները և աղջիկները պայքարել են միասին: Հայաստանից հանդես եկած չորս հրաձիգներից առավել հաջող է հանդես եկել Նորայր Առաքելյանը, որը որակավորման փուլում գրավել է 1-ին տեղը և մտել եզրափակիչ: Ութ լավագույնների պայքարում մեր մարզիկը զբաղեցրել է մրցանակային 3-րդ հորիզոնականը: Նա վաստակել է 218,7 միավոր:
Մրցաշարում հաղթել է Ավստրիայի հրաձգուհի Սիլվիա Շտեյները` 240,7 միավոր: Երկրորդ տեղը զբաղեցրել է ինդոնեզացի Օկբալ Պրաբովոն` 237,7 միավոր:
