ՃՏՊ՝ Ստեփանակերտ-Դրմբոն ավտոճանապարհին

Հունիսի 25-ին ժամը 00:15-ին ԱԻ պետական ծառայության ահազանգման կենտրոնում հաղորդում  է ստացվել, որ Մարտակերտի  շրջանի Կիչան համայնքի ճանապարհին տեղի է ունեցել ճանապարհատրանսպորտային պատահար: Այս մասին հայտնում է Արցախի ՆԳՆ ԱԻՊԾ-ն։

Նույն ժամին հաղորդագրությունը փոխանցվել է Մարտակերտի շրջանային ԱԻ բաժնին՝ արձագանքման համար: Ժամը 00:16-ին Մարտակերտի ՀՓՄ-ին կից Առաջաձորի ՀՓՋ-ն  մարտական հաշվարկով մեկնել է դեպքի վայր: Ճշտումներից պարզվել է, որ ՃՏՊ տեղի է ունեցել Ստեփանակերտ-Դրումբոն ճանապարհահատվածի 25-րդ կիլոմետրի վրա:

Պարզվել է, որ նշված ճանապարհահատվածին Ա.Ի-ն  (ՀՀ Գեղարքունիքի մարզի Ներքին Գետաշեն գյուղի բնակիչ,  2001թ. ծնվ.)  իր վարած «Ուրալ»  մակնիշի ավտոմեքենայով ճանապարհին շրջվել է:

Օգնություն ցուցաբերելու նպատակով ժամը 00:38-ին դեպքի վայր է ուղարկվել նաև հերթապահ օպերատիվ խումբը:  Փրկարարները  հատուկ սարքավորումների միջոցով տուժած վարորդ Ա.Ի-ին հանել են ավտոմեքենայի խցիկից և Վանք  համայնքի հիվանդանոցի ավտոմեքենայով ուղարկել Ստեփանակերտի հոսպիտալ:

Ըստ բժիշկներից ստացած տեղեկության՝ տուժածի վիճակը գնահատվում է բավարար: