Ռուս խաղաղապահները զորավարժություն են անցկացրել Լեռնային Ղարաբաղում
Աջակցիր «Ա1+»-ինԼՂ-ում Ռուսաստանի խաղաղապահ զորախմբի զինծառայողները կատարում են հրադադարի ռեժիմի պահպանման մոնիտորինգ՝ իրենց պատասխանատվության գոտում, ինչպես նաև ապահովում են տրանսպորտային միջոցների անվտանգությունը, սննդամթերքի և տարբեր ապրանքների տեղափոխումը։ Այս մասին տեղեկացնում է ՌԴ ՊՆ կայքը։
Այսպիսով, պլանային եղանակով, ռուսական խաղաղապահ զորախմբի զինծառայողները նաև մարտական պատրաստության դասեր էին անցկացնում: Դիտակետի անվտանգությունն ապահովելու դասընթացների ընթացքում խաղաղապահները մշակել են սադրիչ գործողությունները կանխելու, դիտակետի վրա հարձակումը հետ մղելու քայլերը։
Ազդանշանն ստանալուց հետո խաղաղապահները հնարավորինս սեղմ ժամկետում պաշտպանական դիրքեր են գրավել նախազինված դիրքերում:
Իր հերթին, խաղաղապահ զորակազմի հատուկ նշանակության բժշկական ջոկատի ռազմական բժիշկները մշակել են առաջին բուժօգնության տրամադրման և պայմանականորեն վիրավորված զինծառայողի տարհանման ստանդարտները:
Վերջին շաբաթվա ընթացքում խաղաղապահ զորակազմի պատասխանատվության գոտում հրադադարի ռեժիմի խախտումներ չեն եղել, չեն արձանագրվել սադրիչ գործողություններ։