Լեռնային Ղարաբաղում մնացել են պայթունավտանգ առաջնագծեր․ Միջազգային ճգնաժամային խումբ

Եթե ​​տեղական և միջազգային խաղացողները չփորձեն լուծել հետպատերազմյան հիմնախնդիրները՝ անվտանգության, հիմնական կարիքների և բնակչության տեղահանման  հետ կապված, ապա Լեռնային Ղարաբաղը գալիք տասնամյակում ,հավանաբար, կմնա ցածր ինտենսիվության լարվածության գոտի:

Այս մասին նշված է Միջազգային ճգնաժամային խմբի (International Crisis Group) «Լեռնային Ղարաբաղի համար հետպատերազմյան հեռանկարները» զեկույցում,որը հրապարակվել է այսօր։

Ըստ փորձագետների՝  այս վիճակը  կանդրադառնա  ոչ միայն Հայաստանի և Ադրբեջանի հարաբերությունների վրա, այլև ընդհանուր առմամբ՝ Հարավային Կովկասի, ներառյալ՝ տարածաշրջանում ընդհատված առևտրի և ենթակառուցվածքային կապերը վերականգնելու ծրագրերի վրա`  հրադադարի շրջանակներում։

Զեկույցի հեղինակները նշում են՝ Լեռնային  Ղարաբաղում 2020-ի պատերազմը թողեց շատ չլուծված խնդիրներ և պայթյունավտանգ առաջնագծեր:    Ըստ նրանց՝ հակամարտող  կողմերի ներկայացուցիչները պետք է ստեղծեն հաղորդակցության մշտական ​​ձևաչափ` հետպատերազմյան հրատապ խնդիրները լուծելու համար, ռուս խաղաղապահներին, իրենց առաքելության իրականացման համար, պետք է տրվի  ավելի հստակ մանդատ, իսկ մարդասիրական  առաքելությունները պետք է ստանան հնարավորություն հակամարտության գոտի մուտք գործելու համար:

Զեկույցն այստեղ