Խոսեպ Գվարդիոլան 30-րդ մրցանակն է նվաճել 12 տարում

Անգլիական «Մանչեսթեր Սիթիի» գլխավոր մարզիչ Խոսեպ Գվարդիոլան շարունակում է հարստացնել մրցանակների իր հավաքածուն: 

Իսպանացի մասնագետը երեկ իր թիմով նվաճել է Անգլիայի լիգայի գավաթը` եզրափակիչում 1:0 հաշվով հաղթելով Լոնդոնի «Տոտենհեմին»: Ինչպես նշում են իսպանական լրատվամիջոցները, դա եղել է Խոսեպ Գվարդիոլայի նվաճած թվով 30-րդ մրցանակը: 

Այս ցուցանիշով նա առայժմ ետ է մնում Ալեքս Ֆերգյուսոնից և Միրչա Լուչեսկուից, որոնք իրենց կարիերայի ընթացքում նվաճել են համապատասխանաբար 48 և 34 մրցանակ: Սակայն, «Մանչեսթեր Սիթիի» ներկայիս գլխավոր մարզչից ընդամենը 12 տարի է պահանջվել 30 տիտղոսի համար, իսկ ահա շոտլանդացի և ռումինացի մասնագետները նման արդյունքի հասնել են 40 տարում:

Խոսեպ Գվարդիոլայի տիտղոսները.

Իսպանիայի չեմպիոն` 3

Իսպանիայի գավաթ` 2

Իսպանիայի սուպերգավաթ` 3

Գերմանիայի չեմպիոն` 3

Գերմանիայի գավաթ` 2

Անգլիայի չեմպիոն` 2

Անգլիայի գավաթ` 1

Անգլիայի լիգայի գավաթ` 4

Անգլիայի սուպերգավաթ` 2

Չեմպիոնների լիգա` 2

Եվրոպայի Սուպերգավաթ` 3

Աշխարհի ակումբային չեմպիոն` 3