Կապանում սպասում են Նիկոլ Փաշինյանին. ՈՒՂԻՂ (տեսանյութ)
Աջակցիր «Ա1+»-ինՀՀ վարչապետ Նիկոլ Փաշինյանը Սյունիք այցի ընթացքում Մեղրիից, Ագարակից, որտեղ նրան մարդիկ ընդունեցին շատ լարված ու հորդորեցին հեռանալ, ուղևորվեց դեպի Կապան:
Այնտեղ նույնպես մարդիկ ճանապարհները փակել էին` թույլ չտալու Նիկոլ Փաշինյանին այցելել տեղի Բաղաբուրջ հուշահամալիր:
Մինչ Նիկոլ Փաշինյանը Սյունիքի մարզպետարանում էր, քաղաքացիները նշում էին, որ չեն ցանկանում, որ նա այցելի իրենց զոհված ազատամարտիկների ու զոհված զինվորների հուշահամալիր:
Իրենց խոսքով` կանգնելու են այնքան ժամանակ, մինչև Նիկոլ Փաշինյանը դուրս գա ու հեռանա Կապանից:
Մարզպետարանի մոտ հավաքված էին նաև Նիկոլ Փաշինյանի կողմնակիցներն ու նրան ծափողջուններով էին ուղեկցել մինչև մարզպետարանի շենք:
Բակում Նիկոլ Փաշինյանի աջակիցներն ու նրան դեմ քաղաքացիները պարբերաբար վիճաբանությունների մեջ էին մտնում:
Ոստիկանները որոշ պահերի դժվարությամբ էին կարողանում իրավիճակը վերահսկել և կանխել բախումները: Նշենք, որ Նիկոլ Փաշինյանը Սյունիքում է դեռևս երեկվանից, սակայն նրա այցի նպատակների մասին մինչ այժմ ոչ մի պաշտոնական տեղեկություն չկա:
